Un corazón a flor de pel (Xestión das emocións)
Dende unha perspectiva lúdica e escénica neste espectáculo abordamos a educación para a saúde cunha función arredor da xestión emocional.
Un doutor experto no corazón falaranos da intelixencia emocional a partires das emocións que conviven dentro do noso peito. Falaremos sobre a importancia de identificalas, coñecelas e dominalas para acadar un corazón ben amoblado.
Unha sesión médica moi tola que nos conta cousas moi sensatas para unha mellor xestión da saúde emocional.